巴士小事

究竟點解香港人節奏要咁快, 快到坐巴士下個站落車, 要係呢個站落晒客閂左門都未離站就要按鐘?
短短4個站會有3次? 2個站距離最少都3百米啦~司機同你既action time最多都係2-3秒jei! 唔駛咁心急呀香港!

人不風流枉少年

連日晚睡早起，難得昨夜可以睡個痛快，但又毫無睡意。隨手從書架拈來一本書，今次受寵幸的是葉念琛的＜好時節＞，之前已完成一半，對內容沒甚好感（無意冒犯！），詞鋒略為文雅，不合我口味。看到一個故事說起第三者，腦內立即想起另一本書的一則書信，立即把＜好時節＞放到一旁，換上倪生的＜絕頂愛情＞。愛情分析，還是尖酸刻薄卻又不忘大體的較能吸引我。

實在不明白到底倪姓父子怎樣相處。一對滿腹墨水而又風趣不文的父子，到底會是嚴父孝子，還是無分彼此？他們會一邊練習書法，一邊談論昨夜在夜店裡的那位長髮短裙妙齡女子嗎？或是在研究中國四方城精粹時回憶年少時某夜的溫存？也難怪他們一家跟霑叔如此要好，往往以叔父世姪相稱，應該是一老一小頑童才貼切。

說起風趣，占仔從小就愛以有味笑話或挑戰底線之舉動引起大家注意：從”我嫁”＞”你嫁？嫁比我呀？”（強調小時候沒聽過便想到此無聊笑話，卻不知原來別人已流傳起來）到後來在渣老闆文中提及的”閹”，占仔都可說是專家級。男人可是天生好色的動物，小時候當女孩們還因胸口腫脹或身體無故出血及長毛等生理變化而擔憂時，男孩們已經連羣結隊興高采烈談論女性的胴體何謂美麗，而不只是誰的樣子漂亮而已。不知多少男生幻想跟小愛談一場柏拉圖式戀愛，或是渴望舞子睡在身旁，幾多個晚上，陪伴著男生們的除了夜靜的孤寂，就是在寂靜中傳來的沉重呼吸聲、笑聲、叫聲．．．

究竟是男人本好色，還是女人故作矜持？天曉得，只知道男人連裝含蓄的機會也沒有，美色當前，身體變化已出賣了極力維持的君子面目，箇中的滋味，可能就如女生月事來潮一樣，唯有同性才能明白。

少年輕狂

占仔近排真係黑過包青天, 大部份都係關於工作既, 先係因為轉工而煩惱, 再黎竟然因一個好minor既錯失而累公司唔見一大筆錢, 之後去見工仲要比人彈到一文不值,一無是處咁...其實個一刻,占仔都真係好down, 但係另一方面,係潛意識入面占仔既反叛性格又覺得條友係度攻擊我, 我無謂要受佢影響, 始終無論佢講既係真話定係假話, 係佢既立場都要為公司慳返一個幾毫人工先要咁樣講黎壓我價, 不過占仔呢排又真係係大起大落既極度自信同極度自卑當過活...亦都更加清楚自己既性格,而且知道有好多野唔係話變就變...

好似占仔既 性格比較飄忽, 但基本上唔算一個outgoing既人, 或者叫open同outgoing, 不過唔可以話talkative 囉, 不過你話呢個咁既性格可唔可以做依家sales呢個位呢, 我又覺得見人見智喇!無錯, 占仔就真係唔係個d同你吹晒水乜野都傾一餐既人, 不過占仔都好努力係推銷既層面同個客打好關係, 只不過係一般打關係既人事上面占仔就差d...唔知點解你要我去個客度吹晒水話個日利記場波點點點, 個邊又傾朱生同coco既事, 占仔就真係唔係好主動, 不過其實占仔好想同d客係以朋友既關係去合作, 只係有時如果係商場入面放得太多個人情感會令一個人唔夠客觀囉...

缺乏自信同唔夠主動係占仔諗到既第一大死穴, 聽ck老闆講佢係依家建立到既除左係自己既事業之外, 仲有就係自信, 占仔睇到真係好羡慕, 唔知何年何月先可以咁樣講...不過占仔轉頭又可以180度轉變, 覺得好多比占仔sen既人佢地做到既野占仔一樣做到, 咁佢地憑乜以經驗同年資逗高人工過我?

人地話性格改變命運, 如果占仔唔好好咁改下自己個d性格, 我諗一世都唔會成功...