就算世界只剩下我一個 - 我回來了

是的, 無論你記得與否, 那個無聊但又愛寫東西的占仔回來了...
此一別己是2年了, 中間發生很多, 但占仔仍是占仔
這次偶然回到這里看到以往的文章, 發覺不知為何在這裡寫的東西最開心 其實占仔有很多博客 但以這個最不捨 所以決定用回此陳奶占

多多指教
也很高興可以讀回各偶像的金石良言!

週末雜記

想著有好多野想寫, 但每次開到呢一個page就乜都諗唔到, 只餘下軼事數則:

1. 星期五跟好友把酒談心, 發現自己在人多擠迫既時候顯得沉默, 但在三數人(其實2個最佳)時會停不到口, 將一切吐盡(當然共適用於好友), 難怪占仔大多只有2人約會...

2. 無意發現2個驚為天人的blog(就在右邊如名...), 驚訝有人可以將此娛樂看得如此認真專業, 而占仔亦樂於與大家分享如此好blog, 偶爾會留下數字

3. 聽完盧廣仲既100種生活, 實在有100種生活想過...但最怕揀錯, 更怕現在心大心細, 最後過既唔知係乜生活...

日久豈會生情

一向也不是那些日久生情的人,相反更是一見鐘情的狂熱信徒,每次由相遇定位進攻成事往往也是三兩月之間的事. 當然, 來也如風, 去, 也可以如風, 沒有了解的基礎, 感情當然像賭博, 漸漸會想從朋友堆找上一位ms. right, 可是, ms. right在身邊豈會不知? 而且萬一不如意, 情歸大海的話, 大多情人做不成, 朋友也失去, 只是當一方萌生愛意, 另一方又神女無心時,要處理這個情況便得小心, 既是男丁又屬單身, 占仔一向未到迫在眉切不會表態, 可是當中也有很多不必要的情況發生: 究竟要怎樣才拿捏得到這個距離呢?

我受夠了~

工作上的無助，加上公司的無政府狀態，還有人工。。簡直令我崩潰，我承認這工作的某些地方是很吸引，可以開心也要吃飯，同事跟老闆們都是富家子弟，「賺錢買花帶」，我實在不能跟他們相比（實情我也沒甚麼經濟負擔，只是如果要當這樣的廉價勞工，我寧願到台灣或外國做勞動階層）我真的受夠了，這裡很愉快，可某程度是抹殺了我的思維。現在我只想抽一口煙，拍一張照，寫一篇愛情故事罷了。。。

又柳暗花明咩...

占仔依家一個人係公司, 聽日係奧運開幕, 亦都係占仔既last day, 又一次不戰而敗, 又一次未搵到工就走...唔通真係會有柳暗花明咩...

無論點都好, 占仔都會努力加油, 做到自己想做既事!

巴士小事

究竟點解香港人節奏要咁快, 快到坐巴士下個站落車, 要係呢個站落晒客閂左門都未離站就要按鐘?
短短4個站會有3次? 2個站距離最少都3百米啦~司機同你既action time最多都係2-3秒jei! 唔駛咁心急呀香港!

人生

大概2個半月以黎, 我係公司第一日有少少空閒時間去update一下呢個扑...
呢2個半月黎...每一日占仔都生活係水深火熱之中...每晚9-11點走, 第二日9點又坐係office既情況, 最緊要係同阿姐唔夾, 直接令到占仔既工作表現大幅下降, 亦都嚴重打擊占仔既自信...幾經辛苦, 占仔決定退出呢間咁chur既公司, 一個咁逼迫人既行業...一個咁虛幻(假)既世界...今次既決定, 當然引黎一連串既意見, 當中有好有唔好, 甚至占仔誤打誤撞咁走去玩tarot問事業! 不過一貫固執既占仔雖然好在意人地點睇自己, 不過占仔覺得自己已經慢慢想依自己思想去做事...雖然...at the end of the day占仔都仲未搵到自己想做乜野, 不過係另一方面睇, 占仔每試一樣野唔鐘意, 某程度上都叫做剔除左一樣野丫!

近日家中有點事情, 弄得非常不快。連番的打擊加失望, 令我跟家母的心情非常低落, 今朝返工望住家母既背影, 我突然發現...家母真的有點老了, 每事也有點力不從心的感覺, 而占仔從來是那些心裡很緊張, 但很少有實質幫忙的時候...看來, 挑擔子的時候來到了...

前途未卜

唔知咁多位廿零歲既後生仔, 或者曾經廿零歲既老闆高層經驗人, 廿四歲既你做緊d乜野呢?

占仔又再一次人比人, 近黎聽到好多身邊既人發展得好好, 當中既"好", 唔一定只係高薪厚職, 我更羡慕既係佢地有好好既世界觀...(當然好多外國讀書或者本地名牌大學既人世界觀一定好好), 同埋有好完善既career planning, 好多已經做緊自己想做既野, 而且同世界有接觸, 我一直都想去外地做野, 不過自己真係內向, 好多時行多一步試一試, 好多野可能都唔同...而好奇怪我同家母都覺得自己同外國人work得好d(並唔係占仔語言好, 可能係外國人一就一二就二得黎...比人抦起上黎因基於語言關係, 都唔會太hard feeling掛), 另外就係我太感情用事, 成日將工作同感情拉埋一齊, 所以係香港人當中工作應該無運行...坦白講, 占仔依家份工辛苦, 而辛苦唔單止係工時長(占仔預左), 亦都係占仔最唔擅長既待人接物, 或者叫social啦~不過就係咁, 占仔覺得要係呢度overcome左先可以run去第二度, 特別係呢d都叫 basic既working skills. 記得以前做sales既時候好沮喪, ck老闆講過唔應該迫自己係唔鐘意或者唔擅長既工作上, 唉, 我又開始迷失喇! 不過雖然依家要學既好似好basic, 但係...我都要克服左先可以行前一步嫁! 落後於人, 都要跑返先可以追到嫁...

活著就好

有 唐 山 大 地 震 的 倖 存 者 談 到 地 震 對 他 的 影 響 時 說 ， 劫 後 餘 生 ， 令 他 的 人 生 觀 發 生 了 轉 變 ， 覺 得 活 就 好 ， 能 活 ， 就 要 好 好 活 下 去 ， 不 要 執 注 小 事 。 老 話 說 ， 「 除 死 無 大 事 。 」 除 了 死 ， 別 無 大 事 。 這 話 的 意 思 是 說 ， 當 生 命 不 存 在 ， 一 切 的 精 神 追 求 和 物 質 追 求 也 就 失 去 了 意 義 。 生 命 是 一 切 之 本 。 可 是 ， 這 樣 樸 素 的 道 理 ， 卻 不 是 人 人 、 時 時 、 處 處 都 明 白 的 ， 有 的 人 要 親 經 大 的 變 故 才 能 幡 然 領 悟 ； 更 多 的 人 ， 是 作 為 旁 觀 者 ， 從 別 人 的 生 死 浩 劫 中 頓 悟 活 就 好 的 道 理 。 兩 分 鐘 地 動 山 搖 ， 把 一 切 都 震 碎 了 ： 剛 剛 貸 款 按 揭 的 樓 、 升 值 中 來 不 及 放 手 的 股 票 、 前 途 大 好 的 工 作 、 死 唔 斷 氣 吊 鹽 水 的 愛 情 、 江 湖 中 小 眉 小 眼 的 恩 仇 、 嗦 的 父 親 、 臭 脾 氣 的 母 親 、 永 遠 駁 嘴 駁 舌 的 女 兒 、 反 骨 的 兄 弟 、 難 相 處 的 鄰 居 、 做 了 九 千 九 百 九 十 九 次 的 橫 財 夢 … … 以 為 一 切 都 屬 於 我 們 ？ 只 要 大 地 跺 一 跺 腳 ， 頃 刻 化 為 烏 有 。 原 來 我 們 甚 麼 都 沒 有 ， 那 些 我 們 不 屑 的 淡 出 鳥 來 的 平 凡 生 活 ， 原 來 也 不 屬 於 我 們 ， 連 生 命 ， 都 可 以 隨 時 歸 於 塵 土 ， 不 由 我 們 說 不 。 地 震 過 後 ， 那 些 被 壓 在 廢 墟 中 的 傷 者 ， 只 要 一 息 尚 存 ， 都 堅 強 地 選 擇 了 生 ， 切 肢 保 命 ， 在 所 不 惜 ， 他 們 都 是 我 們 的 同 類 ， 曾 經 為 股 巿 的 升 跌 或 喜 或 憂 ， 為 一 點 點 得 失 愁 白 了 頭 ， 為 一 段 愛 情 時 而 上 天 堂 時 而 下 地 獄 ， 以 為 失 去 某 一 個 人 就 是 天 塌 地 陷 的 大 災 難 … … 要 到 災 難 真 的 來 臨 ， 我 們 才 明 白 ， 活 ， 已 經 很 好 。 不 是 我 們 捐 款 賑 災 ， 是 災 民 了 我 們 ， 真 慚 愧

筆者最近幾篇專欄都深深擊中占仔內心, 引起共鳴. 繼平分秋色的戀愛及平底鞋後, 這一篇真的說出占仔所想. 新工作令占仔發現自己有幾不濟, 但同時災難又使占仔理解到人生本來就沒甚麼大不了的困難, 只有死才是可怕. 希望可以鼓勵大家同占仔一同活出燦爛人生/.

如果我能看得見...

細個既時候，天真無邪，幾個朋友玩”扮盲”。
結果”扮盲”既我真係比人玩，幾級樓梯碌左落地下，損手爛腳。

大個之後，好多時都要玩蒙眼既野外定向，跟隨領者既指示去解謎。
人大左，唔會再好似小朋友咁惡作劇，當然無受傷，但係眼前漆黑一片，要我行步路都好辛苦。

我，連”耍盲雞”都唔敢玩，因為對我黎講，視覺係五官最重要既一環。

健全既正常人無可能明白到失明人士既日常生活同心情，佢地確實由於好多不便而影響到生活，但係好多殘缺人士都毫無怨言，努力活出自己既生命，身無殘缺既我，係咪應該好好檢討自己可以點樣發揮潛能既極限，做個有用既人呢？

一切還好

呢個小部落都空置左好一陣子，占仔都有諗過不如停左佢，橫掂自己對寫作無乜太多創意，而且訪客亦唔多。不過幾經思量決定繼續用呢個無人認識既身份去記下生活點滴，希望可以成為日後成長既回憶同印記。

占仔依家已經由好討厭好唔擅長既sales轉左去一直好想試既pr界。由搵工到入左行占仔身邊都有人勸占仔三思，有人覺得呢行無前途，亦有人認為以占仔既性格係呢行會好辛苦，大概占仔唔夠social啦！點都好，以占仔目前能力所及同興趣，pr應該係我最想做既工作，亦都希望可以係工作上有所成長啦！

徹夜纏綿

K房內。
小雪輕輕的倚在我肩上。始終是剛入職的, 三幾杯入肚已不勝酒力, 兩頰微紅, 雙目半合, 用最嫵媚的眼神望著我。
"你知道嗎?我從來也沒有跟客人說自己的事呢!都唔知點解一見到你就想向你訴苦!"
從小雪口中得知她家境不錯, 有個哥哥在桂林讀大學, 一家四口本應生活無憂, 樂聚天倫。偏偏阿爸應酬客人時係K房識到第二個, 小雪一怒之下出走CP, 當起小姐, 為著看看此等煙花地有何吸引, 會弄得她家四分五裂。

剛高歌一曲<愛如潮水>後, 我帶著半沙啞的聲音道: "可能我真係靚仔到你乜都想同我分享呢?"
"咪玩啦!想嘔呀!" 她半咸淡的廣東話加上嫣然一笑經已將我的心神從香港國金二期五十樓那堆會殺人的上市文件, 一手拉到這位芳華十八, 青春動人但身形跟年齡毫不相符既墮天使身邊。小雪根本唔屬於這裡- 雖然學歷不高談吐卻很有禮而且能跟你大談中外大事 (由西藏暴動到冠希事件), 外表也沒有"撈"味, 最緊要的是她從不缺錢, 連她自己也覺得不需屈在這裡。

望住小雪, 我想起為國犧牲的王佳芝, 當然我唔係玉樹臨風既偉哥, 佢個種氣質根本唔屬於呢度, 如果唔係係呢度相遇, 我相信同小雪應該可以成為一對戀人。不過, 依家都未算壞, 我決定將小雪納為紅顏知己, 每月見面一次...

"我今晚好想搵個人傾計呀..."小雪咁講。
"無問題!今晚我地黎個促膝談心徹夜纏綿啦~" 我轉個頭對部長說: "唔該~拎手袋!"

我感到自己已經墮入萬劫不復既陷阱...

自信

曾幾何時, 占仔塊面無一處係光滑既, 呢個狀況令到占仔有好一段時間唔敢抬起頭望人
曾幾何時, 占仔懷疑自己患有口吃病, 成日講錯野又口窒窒, 搞到成個人開始變得沉默
曾幾何時, 占仔覺得自己好無內涵修養, 完全唔可以同人講上三句

依家, 占仔皮膚有丁點改善, 但仍未令占仔可以於clubbing跟女生搭訕
依家, 占仔確定自己無口吃, 但仍未可以滔滔不絕咁講野
依家, 占仔大學畢業, 而且做左2年野, 但係只覺得比之前更無內涵修養

說到底, 是自信心作崇吧?

究竟係乜野支持自信嫁呢?

手提電腦情意結

一直以黎, 占仔都好想有一部notebook, 等占仔出trip做present或者check email都方便好多, 不過咁, 以占仔既工作量同係公司既地位, notebook對占仔黎講無咩大作用...加上占仔本住拎埋bonus就閃人既決心, 如果依家先黎拎部notebook好似係度玩野咁...所以前2日大佬問我有部notebook會唔會方便d既時候, 占仔都話:冇咁既需要...

事實上占仔覺得有部notebook某程度上係專業既象徵, 尤其係作為一個sales或者比較對客既職位, 有部notebook可以令你可以係會面中作即使反應(例如quotation, discount等), 無疑係一個優勢, 不過相對黎講擁有公司既notebook好似同在家工作劃上等號, 我見好多同事或者其他公司既員工已經遲收工, 仲要帶部notebook返屋企做, well, 占仔唔係話唔放心力比公司, 但係咁樣好似唔係咁好...

唔知咁多位老闆自己有冇notebook?又或者有冇資助notebook比有需要員工呢?

最後的trip

占仔決定放棄了，放棄當一個sales，也放一位非常友善的大佬。

一直以黎，占仔都覺得銷售係一間公司入裡最重要亦係最難掌握既工作，基於占仔日後好想自己搞生意，所以占仔覺得一定要試下銷售工作有幾難。well，占仔不嬲都以為自己努力既話無野做唔到嫁．．．但係做落呢，其實又唔係完全做唔到野，不過，我諗我真係唔係好忍受到sales個種好似好唔實在既工作模式．．．或者咁講，占仔份人覺得自己做到數都好似唔係自己功勞咁（咁當然公司如果係要追數既占仔應該兜左好耐），所以sales黎講唔會比到好大成功感比占仔，希望呢份工可以比占仔知道銷售既運作同難處，對日後有幫助啦！

不過占仔諗住黎緊出trip時同大佬口頭上講聲先，唉．．．真係最難受莫過於此呀！

又講創業

每次占仔同占媽講創業，就會出現以下對話，恆久不變：
媽：你想做乜生意呀？
占：未諗到呀，諗到我借錢都做左啦！
媽：阿仔你個性格係做唔到生意嫁！
占：點解呀？
媽：你人又心軟，口才又唔好，咪比ｄ生意佬吞晒你ｄ錢！
占；所以我咪會搵阿ｘｘ，ｙｙ一齊搞，分工合作，佢地又咁tough唔會比人呃呀！
媽：咁你好似都唔駛點做咁，不如拎錢去投資一間公司好過啦！
占：......

唔知各老闆又點睇呢？
係咁多位話搞生意既時候有冇聽過ｄ乜意見呢？

港男 vs 港女 之(集)雜思

一直都留意港男港女之間的指摘,男話女大小姐崇洋乜都奉旨等等;女鬧男懶散無鬥心無風度之類,沒完沒了。又帶出男女平等等問題, 講真...占仔都聽到有d怕,究竟點解要互相話黎話去呢?

今日睇到薯條小姐<可憐的男人>一文當中又提到港男無風度, 男女平等既問題。占仔大膽想係度發表下自己意見...

究竟何謂風度呢?占仔覺得風度真係建基於性別上...你見到阿婆過馬路去扶佢唔係風度, 見到小妹妹仆低問佢有冇事唔係風度。風度可以話係無謂野,但係又可以係修養既一種表現, 個人覺得食飯幫女仔拉椅係風度,拉門比女仔係風度...係咁...究竟係提倡男女平等既時候, 風度係咪有矛盾呢?

男女平等既定義就更加模糊...係完全男女做既事要相同, 享有相同權利丫, 定係某個範疇入面擁有平等呢? 占仔一向都覺得男女冇可能平等, 女人可以哺乳, 男人可以當眾赤膊...各有各權利義務長處, 無可能在同一平台上比較, 又點可以講平等呢?

仲有文中提到男人被女人取去高職重位, 弄得要以其他東西突顯男人氣慨...其實...占仔都會因女性成就高於自己而卻步...但係唔代表男性被女人迫到無野好做咁...占仔同朋友爭論過一個問題: 就係以前既女人幸福定依家既女人幸福?友人覺得從前女性在愛情上冇得揀, 多以盲婚啞嫁, 基於離異係大醜事, 咁樣就一世嫁喇...友人認為係從一而終既角度上女性好幸福, 起碼一生只愛一人...well...呢個占仔不予置評, 但係友人提到以前男主外, 女主內, 女性只要相夫教子, 係d男人養唔起頭家先搞到依家要身兼搵錢同理家既重責, 呢樣其實占仔唔太同意: 我諗男女關係好講各司其職, 依家亦都轉型緊, 我見到越黎越少女人係識家頭細務既同時, 洗衫煮飯既家庭主夫都越黎越多, 咁大家係質疑緊呢個現象?定係唔鐘意呢個現象發生?

其實點解港男港女要咁多指摘呢?唔鐘意大不了咪搵鬼仔, 溝台妹law...
惡性既批評唔會對關係或問題有幫助
多一分尊重 給一點包容先可以改善關係...

共勉之...


後: 完全唔知自己寫乜...好亂, 如有得罪 多多包涵

認命

我認命了。

我承認我真的不是做sales的材料, 曾幾何時, 我唔理別人因我寡言內向而睇死我做唔到sales, 於是我由中學開始就試不同既sales(當然係因為sales易搵到啦), promotor in-shop cold call 到依家office sales都試過, 一直唔想放棄既原因係因為我覺得一日克服唔到sales呢樣野, 我係唔會成功, 人生每一日都係度sell緊野, 唔向人推銷就永無出頭天...以前我係咁諗嫁!但係越黎越發覺自己真係唔係sales既料:第一我口才唔好,冇可能死都拗返生, 將一個唔會買你野既客變到會買你野(well其實有可能不過我唔覺得sales techniques係主因);第二我覺得自己好討厭求人,或者無事不登三寶殿既感覺,呢個可能係占仔自己諗錯方向;第三亦都係最大鑊既係占仔根本覺得sales係好實在既工作, 佢可以好直接咁用target黎反映到自己既performance,但係唔係占仔做緊呢份可以做到...咁樣, 好似占仔呢類好想做到野又或者好要feel到自己有做野既人, sales跟本就唔係出路, 所以占仔唯有認命, 放低"以為自己無所不能"既自大, 搵返自己擅長/鐘意既野, 其他野...就由其他人去分工啦~

究竟點解占仔可以有咁多時間係公司無所事事呢?作為上司佢冇可能唔知我有冇野做嫁喎...我問佢佢又話冇...咁我可以點? 唉...

朋友 vs 情人

又到聖誕，對好多有情人黎講係一個甜蜜溫馨既節日，但係對單身人士就唔多唔少有點贈興，雖然可以同家人朋友慶祝，甚至以工作催眠自己，但係呢個Lonely Christmas夜深人靜既時候少不免會輕嘆身邊沒個人伴著欣賞燈飾。

占仔身邊有幾個老死都識左十年八載，雖然係佢地心目中占仔都無乜邊個聖誕唔可以冇人陪，但實際上今個聖誕占仔好大機會一個人渡過，偏偏佢地大部份都心有所屬，今個聖誕有幾個比女友cap住連見都未必有得見，其他有目標既都要好似英超”開快車”進行節日攻勢。相比起來，占仔唯有寄情事業，努力思考將來既路啦！

講開又講，占仔覺得戀愛中既人真係冇可能兼顧到朋友嫁！根本生活中多左一個咁親密既人，你無辦法唔放棄一ｄ野，家人無可能，朋友就係最佳選擇，你話無所謂可以一齊玩咩？可能我死板啦，係可以玩，但乜事都冇二人世界既戀愛係乜野？你話可以同另一半互相遷就咩？你試下同佢講”朋友同你一樣重要”，睇下佢會唔會殺左你？占仔自己可能仲細未識愛人，所以每一次都係因寂寞而拍拖，但慢慢又會走回朋友處，最後因冷落另一半而告終。希望有一日占仔會學懂點樣去愛人啦～

The greatest thing you'll ever learn is to love and be love in return...

誰又騎著那鹿車飛過
忘了投下那禮物給我
仍是那燈飾只有今晚
最光最亮卻照亮我的寂寞
誰又能善心親一親我
由唇上來驗證我幸福過
頭上那飄雪想要棲息我肩膊上
到最後也別去摸
MERRY MERRY CHRISTMAS
LONELY LONELY CHRISTMAS
人浪中想真心告白 但你只想聽聽笑話
LONELY LONELY CHRISTMASMERRY
MERRY CHRISTMAS
明日燈飾必須拆下換到歡吹聲不過一剎

無聊一po

狀況:
員工A: 勤力工作量大常加班到很晚
員工B: 把所有工作完成後空閒得坐在辦公室呆

唔知咁多位老闆或者人力資源專家會揀邊位做你既員工呢?

A跟B的工作性質不同, 那究竟A那麼辛苦,而B那樣空閒, 到底是誰的問題呢?
記得很久以前CK老闆提過類似情景, 員工B一般都會是SALES而員工A會是文件處理跟單的officer, CK說過即使SALES跑到很多數, 但在辦公室悠閒沒事做又早放工的話, 員工A類的同僚會不高興, 緊接對士氣有所影響...

那作為老闆或HR到底有何對策?
而A跟B又可以怎樣做呢?

對,占仔就是員工B...很討厭的感覺, 或許如CK所說, 我不該再當SALES了...


--------------------------------------------------------------
廿三歲的你在做甚麼?

占:

剛 過了十八/廿二的你, 現在生活過得怎樣?還在那間日本公司做SALES & MARKETING嗎? 我聽你說要轉工很久了, 怎麼沒有進展似的, 你說過工作上不如意, 雖然悠閒, 但你說悠閒不是你的本性, 你跟我說你有太多的夢想追, 怕再選錯, 我說既然有目標,(雖不只一個)那便去追吧, 不要等多過幾年沒機會轉了...

聽說你身邊的朋友發展得不錯, PETER過了杜拜發展, SAM也當上了督察, 小魚很樂意當SALES, 收入不錯, 阿詩竟然當上了AO而你的假想敵阿柏也當上了督察了, 你到底怎麼了? 還有連陳華,居然年紀輕輕便當老闆, 手下也有數十人呢!

占, 走出去看看這個世界有多大吧!廿三歲...可以說是年輕, 也可以說過了第一個黃金期了...大帝占士17歲便以1億多天價加盟NIKE, 神童9歲入讀大學, 國內那個OINLINE GAME開發公司CEO, 一夜致富也不過廿三歲, 更不要說剛有微軟入股的FACEBOOK創辦人MARK, 手持2成股份價值30億美元, 他...也只是廿三歲...

想當年, EASON也是廿歲多出道的...

不要再怕了, 為自己定一個期限吧
時間, 浪費了一天就是一天...
不然, 就會像我一樣, 一事無成了
成就, 不需要用金錢或名氣來衡量
但, 起碼要自己開心, 盡力來完成

沒有對與錯
只有適合與不適合

五十五歲的占

活在天秤上

大學同學o係杜拜返黎放幾日假，呢位同學同我同一個系，一齊搞活動，但係佢放棄左大部份大學生活而去做partime，甚至係fulltime，係我眼中 佢係一個好獨立既男生，所以事包括使費都係自尸１一手包辦，佢畢業後試過做過一兩份工但係好快就辭左，原因係同阿頭唔夾或者唔岩佢，之後佢同朋友搞左間 pr公司，不過可以話得個殼，浮浮沉沉左幾個月後，當大家都覺得佢唔上進或者懷才不遇既時候，佢搵到一份駐杜拜既business strategic planner，先唔好計月入超過四萬大元，身處當今發展最迅速，資金最充裕城市之一，而且工作性質辛苦但係唔悶，眼界可以無限擴闊呢幾點已經令人羡慕， 我亦都好因佢而自豪同開心。

曾為同窗的人，大部份都有唔錯既發展，當然少部份可能未必咁如意，但所謂既唔如意不過係我自己加一去，可能佢地真係搵到自己既戰場，自己既天地去過自己想過既生活，所講既未必係金錢，或者名利，起碼佢地知道自己想點，而且勇於追隨感覺同理想奔跑。

但係我呢？

23歲既Mark Zuckerberg拒絕左10億，咁同年既我活左廿三年，究竟做過ｄ乜野呢？

好多朋友都話我活在天秤上，自己永遠在一邊，另一邊就放著唔同既人：朋友，成功人士，失敗者。每個人都要跟我進行比拼，看誰更優勝。其實，比黎有乜用呢？

但係唔比就唔係我。

我諗我依家需要既唔係埋怨自己有幾不濟，而係做好自己。

共勉之