領導才能?

基於家母從事 金融行業關係, 占仔細細個已經聽到好多號碼(005同343係占仔8,9歲時聽得最多, 前者係家母所說的龍頭大哥, 後者係占仔仲細, 好疑惑點解畫開漫畫既文傳同股票有乜關係, 幾乎拎住本龍珠就話自己係股東)經過咁多年既洗禮, 占仔亦覺股票係一門好深既學問, 冇錯, 係深到我睇在d書都唔係好明d技術分析呀, 圖表既野, 更加唔會記得唔同既派別既分析方法

好學既占仔覺得與其坐係度消化d睇極都唔明既書, 不如主動出擊交學費, 係呢個近乎瘋癲既大市後知後覺咁入市...而且第一次自己買股票(唔計家母幫忙投資/抽新股)竟然買輪!占仔基本上連輪既遊戲規則都唔多明, 只係知正股價升, 隻輪就升得仲勁...

由 於占仔仲係一個低等既受薪階層, 所以得個2千大元去買投票, 開左個網上戶口後, 第一時間入左隻9057, 港交輪, 仲要係認沽證, 無錯!係大市好似火箭升空既時候我同佢大唱反調, 買佢跌, 結果當然係我跌到x街佢都未跪一跪, 好在只係入左5000股千零蚊, 慳d駛應該可以捱過既...都係個句, 當交學費, 而且上完呢一堂之後占仔都明白左一d野...

1. 係呢個科技發達既年代, 資訊何止爆炸, 簡直去到核爆既階段, 呢頭有人話見頂, 好淡會交持, 個頭有人話23000點在望, 根本就消化唔切, 亦唔知信邊個好

2. 個人覺得成個市已經ibank同d大商家控制, 呢樣野唔係新, 細個已經聽家母咒罵索羅斯同大摩, 不過依家係各投資銀行, 基金同大戶既控制下, 個時真係話升就升, 話跌就跌, 感覺好似有錢就可以話事, 令到富者越富, 貧者...大部份都仲係越貧啦...

3. 記得係書店打書釘個時睇過股神buffet d書, 佢講過要選一隻你熟悉既股票然後長期持有, 好似同佢談情咁, 占仔覺得呢個做法係現今個市好似唔係好行得通, 從前藍籌可以咁樣做, 但係依家既藍籌不過係貴dd既炒股, 一樣係話上就上, 話落就落

4. 占仔唔記得係邊度聽過有人話投資者係非理性, 初時占仔都半信半疑, 覺得擺得錢去投資既都係有識之士叫做做過下分析而且略有見地, 但係依家連平時只係撚下雀買下六合彩賺下私己錢既典型家庭主婦, 都走去讀證券從業員考試而且仲係股壇極之活躍,不過都仲係日日睇新閒人話乜買乜既時 足見投資者都真係冇乜理智, 唔信?有個人辦你睇啦, 大牛市竟然有人買認沽證, 仲要幾日都未放, 仲要係買港交所認沽證, 即係成個市跌佢先升, 我仲唔係失去晒理智咁想一個揪成個市?

記 得係討論區上面見過有人係度爭拗如果炒股同做生意一樣搵咁多錢, 咁你會想做邊一樣(無得兼得), 有好多人都話做生意, 因為係搵錢既同時會帶來成功感, 呢一點我都好認同, 見到盤生意一日一日咁成長,比起睇左成幾百頁書分析到一隻股然後獲利咁開心, 畢竟股票只係數字遊戲...之但係我都覺得適當既股票投資可以令你有額外既收獲, 咁都唔錯!等我再了解多d再多d錢先啦!我都好想可以用hsbc個premier每個月買d 5仔...哈~

-------------------------------------------------------------------------------------------------------------------------------------------------------------------------------------------------------------

唔係自誇或者吹水, 占仔學生時候既領導才能都"得得地"嫁!

由初中學長計劃做學長,參加領袖訓練計劃, 到高中校隊副隊長, 到大學搞莊做p, 校隊隊長到學生會評議員, 學系學生代表, 占仔都一一經過, 加上自問有少少人緣, 交得唔少朋友, 曾幾何時真係以為世界係繞住占仔係度轉嫁!

不過其實當去到大學個時, 已經發現其實自己好渺少, 仲係完全唔貫徹占仔推崇既"素行其位", 實得冇咁大個頭都笠咁大頂帽, 搞到有問題個時先黎逃避, 搵人幫手, 其實講到尾都係自己冇料到, 查實, 咁樣都幾弊...

當 然, 咁多唔同既角色當中, 都冇乜幾多個真係自己爭返黎(或可以爭既), 不過絕大多數都係人地別無選擇(即係冇人肯做)要是但搵個頂, 而叫到我...個種感覺其實唔係太好受,而占仔發現自己係作為一個領導層既處事方法又真烠係有待改進...例如搞莊個時全世界都知員分左2派(其實係1派 加2個)作為p既我只係坐係度2邊都唔理, 繼續大家做事, 到佢地有人投訴, 我先出聲叫佢地唔好咁細個咁...依家諗返起個一刻真係好唔成熟, 我完全忽略左人際關係同士氣係可以大大咁影響一個團隊, 特別我當我睇到ck兄近排寫佢公司既人事關係令到一team人既工作表現大幅下滑, 我就即時諗返起以前既自己, 幸好當年同占仔共事既一班人都好做得野, 所以都冇乜岔子出現...不過...如果帶住一班好有能力既手下...咁要個leader黎做乜?真正既leader係要將各人talent發揮到最好嫁 嘛...仲有就係占仔其實真係好懶, 唔會點識以business度橋, 所以....都冇乜做領導人既天份嫁喇...

黎 緊可能會invlove係一個business入面, 唔係打工, 但係又未叫係老闆, 只不過係搵一個合作機會, 我覺得係一個好好既機會, 比我去train up自己既sales skills同business sense, 特別係一個唔算打工既機會, 我可以更加積極咁去表達自己想法 印證下自己岩唔岩, 去到邊個層次 日後真係做起生意黎個時 都可以變做一個有領導能力既business man...