軼事一樁

晚上。

一行四人上畢日語課後想到台式餐廳晚飯, 行程中 我不停引誘友人飯後耍樂: "喂呀 去tribeca啦~飲杯野jei, 唔係我悶死嫁喇" 另一友人同時發展另一輪攻勢: "下次同我一齊組團上去揼骨啦~好爽嫁!"

友人雙拳難敵四手, 怕把持不定, 遂從褲袋抽出一盒綠luck, 點起一根, 想用尼古丁來提升自身定力。"唔去啦, 我真係一個崩都冇喇, 又話下個月去台灣, 仲邊有錢丫~舊零水都冇呀!" 友人邊吐出煙圈邊說, 想用煙霧彈一招徹退。

路程上我倆不斷攻擊, 友人邊擋邊退, 終於到達餐廳門口。

友人說道: "唔好講住喇, 入去醫肚先!" 同時將煙頭以彈指神功一彈到坑渠窿中。

0.5秒後, 一名食環處人員出現並向友人索取身份証登記。

之後的數天(直至現在) 我們都變成數據王, 不斷重覆 "都叫左你去tribeca啦, 你可以去9.x 次喇!" "叫左你一齊組團啦!可以去2次喇!" "早知叫你出左機票先啦...夠來回喇..."

阿們