思念

前幾天，一個名字重現在我的耳邊，這不是一個陌生人，或者說，從前我是對”它”多麼的熟悉，故不其然想起跟”它”的很多：

84年長髮短髮籃球隊補水我豬你隻龜倪震草莓妹西瓜仔convoy電車levi's澳門lomo
很多很多...

又，這不是悼念，只是懷念

又又，名字重現的原因是出自一位我和”它”也認識的人口中，但我和”它”卻不知那位仁兄認識我們對方，而且她說出名字時，竟然問我這位曾跟”它”多親密的人”認不認識她”...

假善良

人前，占仔算係一個圓滑懂，係大部份時間都知道咩應該做咩唔應該做，算係一個好好先生。

人後，占仔覺得自己虛假到不行；當啟動「自我反省系統」後，占仔已經分唔清自己係真情定假義，再用「陰謀論」分析下就會發覺占仔有以下「扮好人」既症狀”

１．對人好係因為想人地對自己好
２．唔想人對我好係因為我唔想對人好
３．將所有野都以物質標準衡量過先再決定下一步

以上既觀點就算占仔唔諗，好多人都會覺得占仔係咁諗
之但係我又唔想放款「扮好人」呢份工，我要發自內心咁做好呢份工！

－－－－－－－－－－－－－－－－－－－－－－－－－－－－－－
二奶命

其實占仔都幾享受二奶命。
考試考第二、打波拎亞軍、做咩事都有一個人壓住自己，呢ｄ事真係每日都發生係占仔身上，其實都未嘗唔係好事，一黎占仔係一個好懶既人，如果冇個人係前面比 我追我就會好hae；另外占仔都叫做係humble同低調既人，做二奶可以避開spotlight既焦點；仲有最現實就係呢類二奶唔會得到任何期望，所以 久唔久一次發力就可以好impress到大家，做唔到都冇壓力，no pain!

好耐之前睇過劉定堅本《刀劍笑新傳》，入面有個角色好懶好懶，偏偏好天才橫溢，佢有一次同老豆講：我一直咁懶，不過係養精蓄銳，有一日會一飛沖天！占仔好鐘意呢個思想，當然唔係叫大家係度ｈａｅ啦～

其實占仔唔想做第一係驚壓力大ｊｅｉ（咁當然能力上都唔到占仔做），不過調返轉諗做第一個ｄ人永遠都能夠承受壓力，仲可以不斷進步，一世第一，呢ｄ就正正係第一同第二三四五六既最大分別．．．占仔．．．都係做細先啦～

Sales Sell屎

作為一個sales占仔真係一d都唔算稱職:

1. 唔識滔滔不絕天南地北老吹一番
2. 唔會積極製造任何銷售機會
3. 唔會主動call客搵生意
4. 唔識cold call搵新客路
5. 唔敢同客bargin無理要求
6. 更唔會捽同事，工廠貨期
7. 唔夠"奸"去<走精面>

缺乏以上任何一點對一個sales黎講都可以叫係致命傷，仲要加埋占仔連打個電話比個客問野或者上去打個招呼既勇氣都唔見得有，唔好話係sales，一個正常人都唔會咁啦...

回想起當年占媽係占仔選科同搵工時都有告誡占仔以我既性格一定唔係一個好sales:內向、不擅辭令、又唔夠aggressive，占仔只係岩讀d專科 eg engineering, accounting呢類講professional knowlegde但係又唔駛點sell野，自閉少少都得既行業。不過當時占仔一來鬥氣，唔想比人睇死，二來占仔知道一個成功既人自信、口才、行出黎既氣 勢同應變能力真係好緊要，而sales正正可以train up呢d野，令個人更presentable(ck老闆，占仔就係未經咸水浸過，唔夠presentable)，於是占仔先偏向虎山行，要克服呢個大大既 障礙。但係一年做落黎，占仔只係覺得越黎越不濟，一方面好清楚自己有乜唔妥，另一方面又真係改唔到，感覺真係好難受。

好多人性格決定命運，占仔唔知咁既性格可以行出一條點樣既路，不過可以肯定再咁落去會同占仔心中理想既生活越走越遠...

其實占仔真係好唔明我知自己有乜唔好，知道點做好又知一定要做先會好，但係都會唔做嫁呢?

sales呢定野，有冇人可以比下意見呀!? (ck老闆救命呀!)

---------------------------------------------------------

p.s. 尋人啟示

AK兄你依家身在何方，近況如何呀? 見到此post有空煩請留言或貓一貓我。謝!