增加人手

占仔成日係度諗, 究竟一間公司基於咩理由會請多個人呢?我覺得最常見既情況會係--- (1)公司入面有人辭職/被炒後, 需要人手替補空缺, 又或者 (2) 公司擴充業務 , 所以請個人幫手, 不過占仔相信唔少公司決定招聘個timing可能唔多唔少擺左係(1)同(2)之間, 咁就會產生不良既影響喇!

占仔假設情況(1)出現既原因有一定程度係因為有員工工作量太多而不滿, 咁好明顯公司管理層就好似反應過慢, 未能及時update員工既意見, 因為大多數員工工作量太多既原因又係歸根於公司慢慢擴充, 越做越大, 咁樣最理想既招聘timing既情況(2), 但往往就拖到(1)同(2)中間, 甚至到情況(1)...

而當(1)呢個可以算最壞情況出理之後, 老闆通常都會睇下員工既能力同對公司貢獻而作出挽留, 手法可謂層出不窮, 但係呢個時候真係好睇老闆同個位/幾位員工既招數係高手定低手喇!高手者, 雙方談判成, 再次同意以等價交換方式以金錢換取勞動力, 皆大歡; 低手者就會心狠手辣, 老闆處處不讓, 員工又係最後日子搞事, 最後可能要老闆貼錢送瘟神, 鬧得不歡而散, 不過根據占仔僅僅個一年社會經驗加思考, 總係覺得一旦放左風聲甚至出信話唔撈, 都甚少有回頭草, 事關<草裙舞>呢個term係好容易比其他員工掛係辭職員工身上, 當然本身工係有人緣或者真係忙到人人都睇到既話, 閒話亦無咁多, 但係唔代表無, 為防<連鎖反應>出現, 老闆通常都只會有限度地作出讓步, ,又或者員工會基於名聲而堅決離去...

雖然員工應主動向上司反映, 共同塑造一個良好既工作環境同伙伴關係, 但係有幾多個員工有膽咁做?又有幾多老闆認真聽?...就好似ck老闆講過, 僱主同下屬並唔係對立關係, 但係好多時因為制紂同誤會, 兩者關係就會變差...真係做老闆又難...做員工又難...