人面全非

奶占呢排抵抗力低左, 比d流感入侵, 搞到尋日要請日病假去睇醫生, 於是返左去都叫做童年成長既區域睇返個個廿年既家庭醫生啦~

睇完醫生諗住行下緬懷一番, 點知發覺d野都差唔多完全唔同晒:

---細細個走入去打書釘打足成個鐘都唔比婆婆鬧,令我感動到有年想免費落去幫手疊報紙+看鋪(即係攞正牌打書釘)個間報紙檔, 之前行過已經見佢裝修左成間唔同晒...今日...搖身一變成為全球最大連鎖店---7仔!大家繼續比佢既"緊有一間係左近"既理念蠶食...

--- 機鋪對面一間好老既士多仔, 老細由細睇住我大, 間唔中都會塞支雪條比我舔下...依家...又唔知去左邊lu...不過間野長年都唔開燈, 比我都唔會帶個仔去買野啦, 去惠康唔好!

---以前住個幢野個看更阿伯, 我真係好掛住佢, 有時行過都望兩望佢仲有冇做...細細個我成日搵佢笨, 問佢拎一個幾毫去買野飲, 點知拎去打機...佢又會肯, 依家諗起佢一個月5,6千既收入都仲要比我搞住, 個心都過意唔去...

依家佢都退埋休lu, 希望佢可以享下福啦!

雖然話人面全非,但係其實都非唔晒既! 仲有一兩度係二十年不變...

---馬勒當拿遊戲機中心>>>天天遊戲機中心

雖然個名改左, 易左手,但係都仲係一間好平既機鋪,而且仲與時並進, 由從前既有味麻雀去到依家既篤篤ver. 2.0 + g1 jockey, 簡直係marketing strategy既傑作!

---100分文具用吅公司

易左手但係無轉名, 估到個新老闆都知個名係4b區邊個唔識!前幾年見到佢話結業清貨, 到依家都仲一息尚存, 唔知係真係突然搵到曙光定係學人地vcd鋪既手法---扮執粒!

順帶一提, 100分既老對手利來文具用品都已經抵抗唔到新世代既洗禮已經摺埋左...

---金銘粉麵, 呢一檔真係唔係野小, 我覺得佢可以入top 100非上市企業嫁喇...作為一間食肆, 佢既優勢就係~~~~好食!同埋伙記勤力! 做左二十幾年之後老細終於見係時候喇!係隔離一口氣開多2個鋪位!睇黎睇日報紙又會成日見到佢地喇!

-----------------------------------------------------------------------------------------------------------------

工作上, 奶占開始有d"本pair"喇, 無他, 真係覺得越黎越唔係自己鐘意做既野, 講真, 奶占入世未深, 真係好唔慣靠拉關係做生意既方式, 無錯關係係好緊要, 但係你要我得閒無事冇appointment企係佢個位面前四萬咁口問佢有乜幫到手, 又或者三日唔埋兩日就打比人同佢講:有乜幫到手出聲喎,我實搞掂! sorry, 呢d我真係做唔到,我覺得見客係好好玩,但有時人地真係唔想理你你仲要搞住就有點兒那個啦...另外就係公司請左個阿叔希望憑佢既經驗(我覺得係network多)搵多d客, 但係問題就係度喇, 我唔覺得依家既人手handle到多幾個buyer, 而我自己亦都仲未有足夠經驗去獨立處理一個buyer, 所以呢排就多左d因為老頂出左去見新客而搞到現客問野我唔識!其實我自己都有錯, 唔好好學野, 一邊好似好做得野, 但係另一邊又好hae, 唔太outgoing...但係呢家呢個新風氣都真係嘛嘛地...睇黎真係要搵下pr公司喇!

人工的意義

日本公司比給料一向個起薪點都好唔錯,因為福利好, transportation + fringe allowance少不了, 5-day仲要OT唔算太嚴重...(7點前啦多數)其實真係幾好,做人唔應該太苛求,但偏偏小弟就太高要求, 無咁既料又大想頭...

做左7個幾月, 過左probation無review, 到依家annual review喇!唔知加幾多,朋友家人都話加5%已經好好,我就大大聲唔加夠15%我就走!可能大家會諗:有無搞錯!想發夢就去訓啦!...但係我都有自己既理由...

第一,我當初入黎個時係interview入面已經無問probation過左有冇得review,但係日本人已經自己講話應該有,唔...ok你turn out唔加我都無問題, 但係都唔該你review一下!!!連我阿頂你都冇consult過你就唔好話會review啦...

第二,我入黎見sales executive, 佢最後比左個assistant sales executive既位我, 話我仲green, 要train半年度就應該可以上一級, 咁我都覺得係既, fresh grad出黎唔通就當你有exp咩! 好喇,到依家7個幾月,佢升我都叫正常jei, 我第一日返工同一個女仔一齊入黎,佢有exp,所以係sales executive, 不過其實大家做既野差唔多...其實都無所謂, 不過我覺得依家我個位係我呢team最細...升左一級亦都係最細...其實都冇乜所謂jei(有所謂指佢地同本人都覺得能力勝任sales executive一職)

可能大家覺得我大貪啦,小弟其實唔係一個發錢寒既人,亦都唔係好大洗,不過除左想搵多個錢傍身等家中兩老無咁辛苦之外, 我真係好覺得一個人逗幾多錢同你有幾多料係成正比, 特別係當你係一間冇formal apprasial既公司入面,只有給料先可反映到你既performance...或者衰d個,你係老頂眼中既performance啦...所以加得少/冇得加真係幾灰..

其實我都明既...細既咁諗jei,為上者都仲有好多constraints既...好似ak話, 乜都講利益...我諗都係demand & supply jei...之但係我一定唔係一個見到supply唔夠我demand時就會啟動<付出調節系統>既老屎忽...不過如果我既supply meet到你demand既時候你又fulfill唔到我既demand既話...好簡單,我會搵過個supplier...況且大把人會meet到你個demand啦...

以上只係細佬亂up..咁多位...特別係各位老闆唔好見怪...又或者有乜需要糾正,請指出...

辦公室逸事

新黎新豬肉,小弟近日係咁煲返幾位大佬既blog, 睇埋睇埋都有唔少感慨同無奈,想係度吹兩咀...

渣 兄曾幾何時講過自己有幾個o靚係第一日返工就裝msn玩個不亦樂乎, 呢樣野呢,小弟返幾份工都係咁做...有時真係好無奈,都唔知係小弟好彩丫,辦事能力高丫,定係被動...每份工都咁岩唔算好勁既workload... (但係身邊既同事或者老頂都係忙到pk) 好喇,做完手頭上既野...小弟就緊係第一時間問下阿頂有冇野幫到手...點知十次都有8,9次話無...問得多我又驚佢冇野比我做又覺得我hae住 咁...就尷尬啦!

開頭我都覺得咁樣冇問題嫁, 你做到野又做得晒佢比野你仲要佢都無野比你做既話咁idle既時間唔係做自己野咩? 我最記得我第二份工個時我阿頂見到我玩msn,捉左我黎問:我見你有玩msn, 咁msn都係我地同事有時同廠d人contact方便d, 但係你玩......就睇住自己d 效率喇! 跟住我只係講左句好! 跟住msn d msg盞燈仍然閃下閃下, 依家諗返都覺得有d大膽...

慢 慢就發覺其實所謂做晒, 都總係有d野未做/可以做好d既...執下個database啦, 幫阿頂諗下sales plan啦, 甚至去執返好d samples或者碎紙呀,其實都係一個員工可以做/應該做既野,所以小弟依家或多或少係同朋友msn時都會開住個excel/word做下樣諗下有冇野 幫到公司啦...(但係依家又要睇ck同渣估既blog,又真係差咁d時間啦...)

不過依家msn都好閃縮下嫁...鬼咩...成間公司冇partition, 我就背向9成既同事, 一大個全公司最豪既19吋芒就盡入佢地眼廉啦...不過我都一於好少理, 玩左先算...

另外就係ck講過係電視見到以前同學做左乜乜ceo/ipo...

呢 個我既體會都幾深(雖然真係唔係做左好多年人), 可能個人生落懶係deep, 成日鐘意想這想那, 又搵人比較, 有好多以前既同學仔都真係比小弟有前途好多...而小弟?依家都唔知自己做乜好...唔通真係要聽渣沽講25歲前冇妻兒唔駛太負擔屋企冇車冇樓供有少少錢 (問人借總有)就應該創下業? well, 我講漏左一樣應都係最重要個樣但係我無既---個五成把握喇!

至於際遇問題呢, 小弟由細到大都覺得好彩jei, 人地會考高我2分jei,點解入間好既, 高考仲衰,明明肥英文,最後讀space入到港大, 到依家大家大學生,點解一出黎人工已經係我幾倍...都係運氣jei...

但係慢慢諗深一層...個2分,個一個grade同個一間大學,一d一d咁積埋咪就係我同李嘉誠既分別law...

well...當然...如果好似阿玩具大王個千金咁...25歲就做上市公司主席...呢d運氣就真係唔係個個有既...

不過人生就真係唔係有錢大晒既,有好多野我都覺得有錢買唔到...而且我又唔係貪錢,只係想一家人生活好d jei...

共勉之啦~

開張大吉

小弟真係對ak兄,ck兄同渣估兄幾位老江湖甘拜下風,睇完幾位既blog之後都忍唔住整返個, 決定偷偷地咁擺明講下是非同生活逸事咁啦!

小 弟入世未深, 只係一個亂嗡廿四但係對人又死狗既死o靚仔,初出茅廬就做間日本公司既sales仔,話sell野,其實不過係覆下email, 去客公司吹下水咁, 悶到嘔, 公司呢, 第一日入黎個admin姐姐同我語重心長咁講:呢度雖然多女仔,但係一d事非都冇嫁! 我x! 冇!? 佢咪就係事非既重心~~~比人話個個,所以都好難怪佢唔知既...不過公司入面既鬥爭我諗都只係係"辦公室龍爭虎鬥"入面既皮毛jei!是關人人都係不過 係背後插幾野, 表面上個個都可以大唱"老友咪放棄,我緊幫你!"個d圓滑程度呢...就係因為咁,可能小弟背瘠插左幾把大關刀都唔知...不過小弟反而膽粗粗想去ak兄 公司咁既環境感受下個種弱肉強o趙既情境(不過好似d國家地理雜誌咁坐住架jeep係個森林度望下好喇)

------------------------------------------------------------------------------------

淺談奧斯卡

每 年oscar小弟都有睇, 除左睇下心水有否跑出之外,亦都睇下有無漏網之魚可以後補欣賞(通常都係個d live documentary/short video咁啦) 點知今年...best picture跑左套無間道風雲, 真係通晒大細咁漏左...5套best picture nominee我只係睇左呢套...2套冇係香港上, babel...無人陪, 小小姐...去到無場...依家諗返起睇無間道風雲個一幕...

某夜, 我約左幾個中學既同學仔去睇戲, 買飛個個諗住睇另一套唔知乜,點知冇場,就買左無間道...同行另一個女仔想睇超女,一聽到睇無間道已經小晒鬼...不過見到leo就算啦...

入 到jp皇室堡個場仲要fullhouse!我地坐係最後個行, 已經煩煩地, 跟住既2個幾鐘係咁聽到fxxk, shit咁既字眼,我諗個fxxk係英文都等同廣東話既"diu"字啦,點解要出咁多呢?人地華哥偉仔都無diudiu聲,我唔清楚無間道風雲係唔係15 +定17+, 但係如果無間道咁多diudiudiu小咁,唔淪為三仔我都唔信呀!咁足以睇到中國(香港)同美國既"文化差異"...無錯,美國文化真係又差又怪 異...(不過弟一向崇洋,仲鐘意NBA多過英超)

其 實呢套戲拎best picture已經引起好多爭論,有人覺得改到得返個殼,無晒神粹, 亦有人話無理由咁q白痴走去比50蚊睇多次無間道...(我比左60大洋)計小弟愚見, 都係個句,文化差異jei, 美國佬臥底唔多, 仲要講到咁感情既真係少之又少,加上仲玩到掟人落街!!外國d人自殺/被殺一係就大單到分屍, 一係就吞下槍jei...邊有咁creative...但係香港高廈臨立,要跳樓真係易過搵支搶去吞呀! (註:小弟睇到無間道風雲呢一幕真係fxxk左一聲...因為呢一幕無論氣氛同拍攝技巧都真係有d失色呀!爛既程度僅次個ending...)

總括一句,你有你睇戲,我有我放屁,駛乜拗咁多丫!

p.s. 猶記得當晚友人在片尾matt damon比Mark Wahlberg踩膠袋開門入屋一槍ko之後...大呼一句:嘩,垃圾呀!...fullhouse一半人都聽到...勁!)