有guts既蝕底

占 仔都好鐘意去7仔或圓k度打下書釘, 特別係落雨時節,個度簡直係避雨聖地(有時覺得呢d 聯盟式企業都幾慘,係書籍一欄既盈利近乎零,咁多位老闆唔好打我...)咁岩見到本capital (自從睇完上期ceo見到蔡小姐後,間唔中都留意下呢類型既書充實下自己,發下白日夢...)今期都有講puma呢間曾經好霉既運動服裝點樣做到近10年 股價暴升14倍, 搞到貴價牌子gucci個阿媽ppr都想買佢落黎同gucci做下crossover...

一切...可以講源自現任ceo--- 蔡茨(Jochen Zeitz)

睇返呢位仁兄既上位故事都可以講得上驚天地泣鬼神...

90 年代初,仲係廿零歲既佢係當時巨型個人護理用品商---度做sales manager, 當時puma就有意請佢過黎做sales manager, 但係當時只得7個designer既puma比得仲少錢過蔡茨當時份糧...點知做都估唔到, 可能當時蔡茨睇中puma有得發圍, 就過檔去puma...

頭 個幾年, xx都捱得幾辛苦, 基於公司既產品同同行如nike既龍頭地位, 蔡茨都做唔到咩大成績, 當中公司仲經歷過2任ceo既下台, 眼見自己追捧兼押晒身家(人工)落去既公司仲係冇乜起色, 佢毅然閉關三個禮拜, 寫左份令人覺得佢技驚四座既絕世秘笈出黎---puma未來五年發展方案, 跟手send 埋比個board睇。 真係唔睇由自可, 一睇,個個董事好似見到陳法拉現身咁...指既唔係份野,而係蔡茨, 於是佢地合力<課長島耕作>入面中澤喜一上任社長既情節, 將蔡茨一手打造成歐洲最年輕ceo(當然,今日好多ceo都後生過佢當年上任既年紀)

從 呢個超級上位王既故事中, 占仔大膽分析自己同蔡茨有乜分別令到佢貴為ceo, 而占仔就係度咬蔗...其實份報告既實力同佢有幾多斤量, 占仔睇唔到, 亦都覺得當時PUMA應該諗左唔少辦法同搵過唔少consultant獻計, 但係占仔最拜服既係佢可以咁有心用三個禮拜做份咁既野出黎, 我係老細我見度份野, 第一個反應唔係佢有幾勁, 而係佢對公司幾有heart...講真做左幾年有幾多料個management都心裡有數, 但係個個heart都真係唔係人人有...有人可能覺得唔係自己理既範圍, 有人會認為自己拎你2分4, 唔係做咁多野呀~我相信蔡茨做份野個心態都唔係想升ceo(我諗佢唔會有咁大想頭掛), 成功既人, 可能除左要有guts之外, 仲要肯蝕下底掛...

亦都好似占仔一入黎呢間公司時, 無幾耐我都寫左半份marketing strategy...(相信我,是業餘中的業餘,門外的門外...), 最後都係無guts上繳中央...


http://www.businessweekly.com.tw/webfineprint.php?id=19641

孤單的旅途

首先要多謝ak既留言!
曾幾何時占仔寫blog既時候都好care有冇人睇有冇人留言,
冇人黎既話占仔會驚自己寫既野好似唔好, 不過日子耐左, 發覺咁既心態寫blog會唔係咁"聚財", 寫乜都要就住睇下人地點諗, 跟住轉左黎呢個blog(雖然寫得唔耐), 可以話冇人知我係邊個(其實都唔可以話冇既...), 咁寫起上黎唔單止放d, 連個心態都唔會太在意人地有冇睇lu, 不過有人光臨當然好開心啦,仲要係一眾大大佬...多謝晒!

----------------------------------------------------------------

占仔好鐘意係街度留意唔同人既外表神情舉動, 再去猜下佢地背後有乜故事, 特別係我每日返工坐個班巴士...

話說我坐開個班車唔會有太多人坐, 講下有乜角色先啦!

1. 女同學A---一星期有2,3日坐啦!最記得有次我坐佢隔離聽到佢係咁係電話同人講個男仔點衰點衰,大聲到我都訓唔到, 個野覺得佢真係好八婆...但係又另一次我OCTOPUS冇錢又冇散紙,佢一野借左個10蚊比我,仲話之後還都得~唔...原來唔好睇得咁表面...

2. 美女B---每日都同佢同一班車,永遠都坐係上層,而且我因為每日都訓著左而仲未知佢係邊落車既美女...(估計係旺角至佐敦一帶)

3. 肥男熟女---一對好得意既組合:肥佬係早過我上車,一定會坐係下層車尾右邊前一行個個四人位度;而熟女就遲我幾個站上車,開始過左成個星期我先知佢地係識既!~?真係神奇,奇就奇在佢地2位都應該三十幾, 但係仲未結婚??!

仲有個d口罩男呀,靚仔呀, 負離子女仕, 早餐八公同埋同站小職員,都唔係成日見,唔駛點提...


跟住...
今日當我見到女同學A係度西面,美女B唔係車上面, 肥男熟女竟然比一個賓賓隔住唔可以坐埋一齊...仲外加一個勁騎呢大咀男,老人味婆婆同憂鬱小學生係架車度,占仔突然有一剎既寂寞...

大家...唔好離開占仔呀!!

又, 以上描述唔代表占仔以貌取人或者狗眼看人低(shit,話自己係狗...),如有得罪,請見諒...

x街原來唔易做

company trip雲南之旅,我發現了以下現象...

1. 原來占仔係同事眼中係乖乖仔,唔煙唔酒唔賭唔滾唔粗口

2. 經過雲南一遊後,相信同事會抹晒之前對占仔既感覺

3. x街真係好難做, 走入一間叫"top one"既場, 跳舞盡興, waiter送來一張"加料"紙巾, well, 個一刻, 我揀左唔理佢

4. well, 其實我係咪真係想唔理佢?唔知, 知既只係我個一刻無雲南區碼,打唔通紙上電話

我又講情傷

睇埋ck,渣沽兄d咁煽情既文章, 剛巧占仔既感情生活進入左dark age, 對佢兩位既言論真係有深切既體會,都不禁回顧下自己既感情生活係點...

今次"最後的戰役"入面,占仔一如以往的平靜同冷淡, 可能因為係呢段感情入面已經經歷過大大小小過百場戰役,三日唔埋兩日就話分手,朋友們都聽到好似"狼來了"咁唔理...
well, 咁我出奇地冷淡又係咪代表我唔鐘意女朋友呢?

以前既我,可能真係好懷疑自己係咪真係好鐘意女友, 因為有乜理由分左手會好似一d事都冇咁...
今次,我覺得兩者唔一定對等...

第一係"子非魚,安知魚之悲"---人,有苦自己知, 仲要男人一個, 死去活來傷春悲秋咁, 你話我保守又好老土又好, 確實真係幾難睇+比人覺得太受感情影響既...可能占仔係一個比較喜怒不形於色既人,所以都好明白咩叫暗地痛苦...

另一個原因可能係佢地既選擇, 分左手好唔開心, 但係唔開心落去又點?與其係度悲天憫人,又可能會將d負能量傳比其他人, 點解唔選擇大步跨過痛楚?ak講得好岩, 人生只係一個prioritization既game, 你可以喊三日三夜死纏難打要生要死, 我又何嘗唔可以借酒消愁若無其事吃喝玩樂?

講返...其實我咁冷淡,真係唔代表我唔鐘意佢嫁...

但係人就係要向前看嫁啦!
(無錯,呢句係講比自己知既!)

近排ak好似都有d唔妥咁...唉,共勉之啦!

快樂其實唔簡單

上個星期,我睇左2套戲, 都叫一解我飢渴已久既戲癮…
一套係Apocalypto, Mel Gibson既戲真係套套都有深度,今次以土著瑪雅族既渴望進入文明而帶出文明背後既付出同愚昧: 土著對初次接觸文明既恐懼同埋瑪雅王國對神既盲目都係令人髮指既行為, 呢類咁既行為其實直到今時今日亦時有所聞,足以証明人係科技不斷進步既時代仍然會做出無知既行為, 咁…究竟點先為止文明呢?我唔係d乜學家物權威,唔可以下咩定論, 只係知道好似戲入面主角”細哨”咁講世世代代都要係個森林入面打獵係冇可能既事…人只會係以發展文明為由不斷破壞生態jei…

其實睇呢套戲唔好諗佢有冇message會更好, 本身只係欣賞佢官能既刺激同土著既妝扮,加上”細哨”既入戲, 本身都唔駛太用腦去睇既…

另外尋日就睇左近排係blog界好hit下既”pursuit of happyness” 初頭我都本住近日個人都好似有d迷失, 想睇下d勵志d或者有深度d,可以將我帶返去個正軌, 於是就入去睇下, 點知原來係個叫人搵錢既故事…係, 我唔多唔少都覺得, 阿gardner咁入埋d死人x光機到去in做broker, 無非都係想搵多2個錢, 比d好生活比老婆同仔, 又或者佢真係比金融區入面d broker 個種由”高尚”工作帶黎既滿足感感染到,要証明自己係有能力上位, 但係套戲實在太斜左去”錢”個面, 單單由佢見到架法拉利流口水, 已經唔多唔少令我覺得戲名唔應該叫pursuit of happyness…可能其實真係好難咁係2個鐘入面講一個人, 仲要係一個咁多經歷既人既一生,所以會斜去一邊都正常,但其實呢套戲係想講”人應該尋找一些金錢以外既快樂,例如親情,成功感”, 定係”其實金錢以外既快樂, 都係用金錢換返黎”呢? 睇完之後,我仲對阿媽成日講既”貧賤夫妻百事哀”有好深刻既體會tim…


咁其實要快樂,係咪真係咁難呢?